Që nga fillesat e saj, shoqata Aksion Plus ka punuar intensivisht për realizimin e një sërë projektesh të rëndësishme të cilat synojnë kryesisht zvogëlimin e dëmit që shkaktohet nga droga si dhe parandalimin e përdorimit të drogës dhe të përhapjes së sëmundjeve të transmetuara seksualisht. Projekti i parë i cili zgjati prej marsit të 1996-s deri në dhjetor të po atij viti konsistoi në hartimin e broshurave të ndryshme dhe materiale informuese për të rinjtë të cilat shtjellonin sëmundjen dhe përhapjen e SIDA-s. Gjatë realizimit të këtij projekti u mbajtën leksione në shkolla të mesme të Tiranës, Krujës, Durrësit, Shkodrës dhe Kavajës.

• Një tjetër hap të rëndësishëm në aktivitetin e saj, shoqata Aksion Plus e zhvilloi gjatë periudhës janar-gusht 1997 me organizimin e disa takimeve dhe tryezave të rrumbullakëta në të cilat morën pjesë zyrtarë shtetërorë, ligjbërës, punonjës socialë dhe të tjerë nën temën “Media, Ligji dhe Shkolla fokusohen mbi SIDA-n.” Ky projekt synonte gjetjen e mundësive për përmirësimin e ligjeve egzistuese të SIDA-s dhe për t’i tërhequr vëmendjen medias mbi çështje që lidheshin me sëmundjen e rëndë.


• Një projekt i tretë që u mundësua gjatë periudhës janar-gusht 1998 ishte ngritja e një qendre konsultuese dhe informuese e cila u jepte njëkohësisht edhe mbështetje njerëzve që jetojnë me virusin e HIV-it dhe SIDA-n. Në këtë qendër ofrohej konsultim, materiale dhe informacione që u vlenin shumë atyre të prekurve nga HIV/SIDA.


• Në gusht të 1998-s deri në në dhjetor të po atij viti, nën parimin për të ‘’Zhvilluar aftësi institucionale’’ nëpërmjet krijimit të degëve të reja, u ngritën degë të reja të shoqatës në qytetet kryesore të vendit në të cilat po punohet për parandalimin e SIDA-s dhe të dëmit të shkaktuar nga përdorimi i drogës.


• Për dy vjet me radhë, duke filluar nga janari i 1998-s, në bashkëpunim me dy shoqata joqeveritare shqiptare dhe italiane u ngritën dy qendra rinore në Tiranë dhe në Shkodër. Në këto qendra u jepej mbështetje të rinjve duke dhënë kurse kompjuteri, duke zhvilluar aktivitete arti dhe kulture, publikime, gjuhë të huaja, edukim civil, njohje të probleme seksuale dhe të rreziqeve të drogës e të SIDA-s, edukim nëpërmjet bashkëmoshatarëve.


• Një projekt tjetër që u zhvillua nga janari deri në gusht të 1999-s konsistoi në përhapjen e informacionit të zvogëlimit të dëmit për përdoruesit e drogës dhe të rinjtë. Ky projekt u realizua me anë të seminarëve në qendrat rinore, edukimit për bashkëmoshtarë, publikimeve, vizitave të ndërsjellta, aktiviteteve në shkolla të mesme, dhe intervistave në radio dhe televizion.


• Në mars-maj 1999, në një bashkëpunim midis shoqatës Aksion Plus dhe Doktorëve të Rinj Kundër Drogës u zhvillua një tryezë e rrumbullakët rreth fenomenit të përdorimit të drogës, zvogëlimit të dëmit dhe faktorëve të tjerë të lidhur me substancat e paligjshme. Në këtë tryezë u ftuan shumë ekspertë të kësaj fushe dhe shoqata joqeveritare të cilët diskutuan mbi përdorimin e drogës në Shqipëri dhe hapave e strategjive të mëtejshme në të ardhmen.


• Nga tetori 2000 deri në tetor 2001 Aksion Plusi së bashku me Kërkuesit e Rinj të Shkencave Sociale dhe Grupin e të Rinjve për Planifikimin Familjar i zgjeruan aktivitetet e tyre duke përfshirë parandalimin, trainimin, shërbimet sociale në shkollat e mesme, konsultimin, tryeza të rrumbullakëta, edukimin me anë të bashkëmoshatarëve, pyetësorë dhe krijimin e rrjetit të bashkëpunimit.

q Në nëntor 2000 u ngrit Qendra e Zvogëlimit të Dëmit e cila u ofron përdoruesve të drogës shiringa të pastra dhe pajisja të tjera përdorimi, ndihmë mjekësore, konsultim, edukim për bashkëmoshatarët, aktivitete të ndryshme, referime për në shërbimet mjekësore, pyetësorë, emisione në televizion dhe radio, që të gjitha këto nën kudrin e parandalimit parësor dhe dytësor.
q Më vonë në janar 2000 deri në dhjetor 2001 Aksion Plusi ofroi konsultime mbi parandalimin e SIDA-s, edukim mbi marrëdhëniet seksuale dhe ruajtjen e shëndetit riprodhues në Shkodër.

• Në qershor të vitit 2001 nisi seria e aktiviteteve nën moton ‘’Sporti kundër Drogës’’ gjatë së cilës u zhvilluan turne vollejbolli në plazhin e Durrësit ku morën pjesë qendra rinore të shoqatës dhe të qyteteve të tjera që përfshihen në rrjetin e Këshillit Shqiptar të Rinisë. Këto aktivitete u shoqëruan njëkohësisht edhe me publikime dhe një fushatë në media.


• Ndërsa në maj 2001, për të vazhduar më pas në dhjetor 2001 e më tej, u krijua dhe u përforcua rrjeti i edukuesve bashkëmoshatarë në shkollat e mesme të Tiranës dhe në katër degët e shoqatës Aksion Plus. Ky ishte i pari projekt që përqendrohej krejtësisht mbi edukimin bashkëmoshatar dhe që bazohej në mënyrat dhe manualet më të fundit të kësaj lloj eksperience.


• Një nga synimet kryesore të shoqatës ishte edukimi dhe sensibilizimi për mbrojtjen e të Drejtave të Njeriut të atyre që bëjnë pjesë në jetën e personave me HIV/SIDA si personeli mjekësor dhe të tjerë që përkujdesen për një trajtim më të mirë të këtij grupi që është në shënjestër. Ky edukim dhe sensibilizim që filloi në qershor 2001 deri në janar 2002 synoi të godasë diskriminimin, tentoi të sigurojë pranimin dhe një mbështetje të fortë për të prekurit nga virusi dhe nga probleme të tjera të ngjashme.


• Nga janari 2002 deri në qershor 2002 Aksion Plusi punoi kryesisht për të rritur aftësinë e të punonjësve socialë të sapodiplomuar duke kryer instruktimin dhe aktivitete të tjera dobiprurëse në lidhje me përdoruesit e drogës nëpërmjet edukimit, parandalimit, konsultimit dhe të zvogëlimit të dëmit.


• Në nëntor 2001 deri në nëntor 2002 u përsëritën në mënyrë më të zgjeruar aktivitetet e qendrës për zvogëlimin e dëmit me anë të shpërndarjes së shiringave dhe të mjeteve të tjera të përdorimit të drogës, ndihmës mjekësore, parandalimit parësor dhe dytësor si dhe edukimit bashkëmoshatar.


• Në periudhën dhjetor 2001 deri më 7 prill 2002, Organizata Botërore e Shëndetit dha fonde për të organizuar Ditën Botërore të SIDA-s 2001 dhe Ditën Botërore të Shëndetit në 7 prill. Shoqata Aksion Plus përfshiu në këto aktivitete të gjithë rrjetin e të rinjve të shkollave të mesme të Tiranës. Gjatë kësaj periudhe u zhvilluan seminare, u mblodhën grupe pune, u dhanë ligjërata, mbrëmje dëfryese si dhe veprimtari të ndryshme sportive, kulturore, artistike dhe rinore.


• Që nga 1 qershori 2001, për të vazhduar në vitet 2002-2003 shoqata Aksion Plus është njëra prej organizatave joqeveritare të përzgjedhura nga CAIR (Center for AIDS Intervention Research) pranë Universitetit Mjekësor të Uiskonsinit, në Miluoki, SHBA për të marrë pjesë në projektin shkencor të GAIN-it që është financuar nga NIMH (National Institute of Mental Health). Synimi i GAIN-it është që të zhvillojë dhe të vlerësojë metodat me anë të teknologjisë së bazuar në kompjuterë për të bërë këmbimin sa më të efektshëm të informacioneve midis kërkuesve shkencorë dhe programeve kompjuterike për parandalimin e HIV-it.


• Një nga rojektet e fundit i ndërmarrë prej Aksion Plusit, nga 15 tetor 2002 deri në 15 mars 2003 quhet “Rritja e kapacitetit, e edukimit për mbrojtjen, e aftësive informuese dhe komunikuese të forcave policore anti-drogë në lidhje me përdoruesit e drogës.’’ Synimi i këtij projekti që është tepër i rëndësishëm për kohën dhe realitetin shqiptar të sotëm është që të rrisë dijenitë dhe vëmendjen e policisë anti-drogë dhe të grupeve të tjera në lidhje me të drejtat e njeriut dhe nevojat e ndryshme të përdoruesve të drogës.